Samandráttur:

Línuskip: Trý línuskip at landa mánadagin, mest brosmu, longu og tosk. Seinni í vikuni vanta vit nøkur koma at landa. Teir eru antin í Íslandi ella  á djúpum vatni, so tað verður fyri tað mesta brosma og longa. 

Útróðrur: Streymurin  er vánaligur  í vikuni, men veðri sær út til at blíva so nøkulunda, so kanska tað verður nakað av útróðri. Vantandi koma fleiri at royna eftir hvítingi. 

Dúpvatnstrolarir: Ein fiskar við Grønland, fiska svartkalva og kongafisk, landar møguliga í vikuni. Ein er eystanfyri, fiskar á djúpum vatni, svk og kf.  Hinir antin partrola ella fiska djúpvatns fisk og landa uttanlanda. 

Partrolarir:  Partrolarnir eru  runt Føroyar, fiskaríið er heldur smáligt. Landa gjøgnum vikuna.  

Trolbátar:  Trolbátarnir eru á landleiðini, fáa mest tosk, reyðsprøku, tungu og havtasku. Nakað av steinbíti er eisini. Ein fer vantandi út um vikuskifti at fiska tosk og hýsu. 

Garnaskip: Ein fiskar havtasku, landar í vikuni. Ein fiskar svartkalva, frystir umborð. Hini garnaskipini hava allir lagt, fara útaftur seinni í summar.