Samandráttur:

 Línuskip: Tvey línuskip, annað av Flemish Kap og hitt undan Føroyum, koma inn mánadagin. Mest av toski av Flemish Kap og svartkalvi undan Føroyum. So kemur eitt línuskip undan Íslandi mikudagin, ein blandingur av brosmu, longu, toski og hýsu. Mikudagin ella Hósdagin koma 2 línuskip av Flemish Kap, so at siga bara toskur. Møguliga koma tvey línuskip undan Eysturgrønlandi inn síðst í vikuni, men helst verða teir ikki inni fyrr enn mánadagin. Tað er mest av toski teir fiska. 

Útróður. Streymurin verður góður fyrst í vikuni, men blívur harður móti endanum av vikuni. Veðri verður gott, men tað er ógvuliga lítið av útróðri fyri tíðina. Bátarnir fáa ein blanding av toski, hýsu og hvítingi. 

Djúpvatnstrolarar: Bara tveir djúpvatnstrolarar eru til fiskarí undir Føroyum. Teir samtrola eftir upsa, men koma neyvan at landa í vikuni. Ein er undir Eysturgrønlandi og fiskar svartkalva og kongafisk. Hann frystur umborð. Ein er á djúpum vatni undir Føroyum og fiskar stinglaks, landa niðri. Onkur riggar til at fiska makrel. 

Partrolarar: Allir, uttan 3 pør, fiska upsa, koma inn sum vikan líður. Fiskaríið er brúkiligt. Trý pør eru á gulllaksaveiðu. 

Trolbátar: Vit vantað 4 trolbátar inni mánadagin og so verða helst nakrir trolbátar seinni í vikuni. Trolbátarnir fáa ein blanding av flatfiski og toski. Fiskaríið er smáligt. 

Garnaskip: Einki garnaskip er á ísfiskaveiðu fyri tíðina. Tó er onkur sum fiskar svartkalva og frystur umborð.